HPLC-DAD-MSn
GC×GC–TOF/MS
Лабораторијата за хроматографски анализи е формирана во 2020 година со обединување на:
- Лабораторијата за анализа на органски супстанци во сложени матрици (опремена од проектот за опремување на лаборатории на Владата на Р. Македонија)
- Лабораторијата за течна хроматографија (опремена во рамките на проектот од Седмата рамковна програма на Европската Комисија REINFORCEMENT OF THE WBC RESEARCH CAPACITIES FOR FOOD QUALITY CHARACTERIZATION, реализиран од 2008-2011 година, https://cordis.europa.eu/project/id/204756),
- Лабораторијата за анализа на хексахлороциклохексани, опремена во рамките на проектот реализиран од UNOPS “Nordic Support for Progress of North Macedonia” финансиран од Кралството Норвешка, реализиран во 2020-21 година.
Лабораторијата располага со:
- GC×GC–TOF/MS - гасен хроматограф Pegasus 4D, кој овозможува раздвојување на испарливи компоненти а издвоените аналити се идентификуваат со масен спектрометар и тоа со анализатор од типот на време на прелетување,
- GC/MS - гасен хроматограф со масен детектор (единечен квадрупол),
- GC/FID/ECD - гасен хроматограф со два детектори: универзален (пламено-јонизациски) и со специфичен (со зафаќање на електрони),
- HPLC-DAD-MSn - течен хроматограф со два детектори: UV-Vis со низа од диоди и масен спектрометар со јонска стапица,
- HPLC-DAD - течен хроматограф со UV-Vis детектор со низа од диоди опремен и со собирач на фракции (семипрепаративен).
Лабораторијата може да се користи за идентификација и квантификација на органски супстанци во различни примероци и тоа за:
- анализа на пестициди и други супстанци од европската приоритетна листа во животната средина (вода, почва, воздух),
- анализа на штетни материи во прехранбени продукти и во амбалажа,
- анализа на штетни материи во прехранбени продукти како и во производи за широка потрошувачка,
- анализа на фенолни компоненти во различни примероци од растително потекло (зрнести овошја, јаболка, сокови, вино итн.),
- анализа на биоактивни соединенија во лековити и ароматични растенија,
- анализа на фармацевтски препарати и суровини за карактеризација на активни компоненти и онечистувања,
- анализа на форензички примероци (дроги и психотропни супстанци, експлозиви итн.).
Лабораторијата е акредитирана во согласност со стандардот МКС EN ISO 17025: 2018 за тестирање на органохлорни пестициди во воздух и органохлорни пестивиди и полихлорирани бифенили во почва. Сертификатот за акредитација бр. ЛТ-089 може да се види тука: Vasil Glavinov blok 10 mezanin (iarm.gov.mk).
тел. 324-9934
е-пошта: marinaiv@pmf.ukim.mk
тел. 324-9915
е-пошта: jane.bogdanov@pmf.ukim.mk
Проф. д-р Јасмина Петреска Станоева
тел. 324-9935
е-пошта: jasmina.petreska@pmf.ukim.mk