наставна хемија (акредитација 2022)

Подрачје: природно-математички науки; поле: хемија; област: наставна хемија 

Академски/стручeн назив/степен кој се стекнува со завршување на студиите: дипломиран професор по хемија (BSc), VI А степен на образование

Tраење на студиите: Четири години (8 семестри)

Број на кредити: Вкупен број на кредити 240 (вклучувајќи и дипломска работа).

Услови за запишување на студентите: во согласност со закон­ски­те прописи што важат во Р. Македонија и на Универзитетот „Св. Кирил и Методиј“.

Спецификација на генеричките (општите) и специфичните компетенции кои студентот ќе ги стекне со завршувањето на студиите и за кои работни места е оспособен:

• ОПШТИ КОМПЕТЕНЦИИ: Дипломираниот професор по хемија ги познава основите законитости и принципи на хемиските дисциплини и владее со лаборато­риски вештини и умеења. Тој е оспособен за остварување на едукативни цели во наставата по хемија во средните училишта, а по потреба и во основните училишта.
• СПЕЦИФИЧНИ КОМПЕТЕНЦИИ: Дипломираниот професор по хемија е оспособен за примена и развој на современи техники на учење и поучување, како и на експериментални дидактички методи во наставата по хемија, а оспособен е и за развој на соодветни методи за следење и проверка на знаењето по хемија.

Студиска програма

• Студиската програма од наставна хемија е од подрачјето на природните науки – хемија.
• Студиите од студиската програма по наставна хемија од првиот циклус траат четири години, односно осум семестри. Вкупниот број кредити што можат да се освојат, вклучувајќи ја и дипломската работа, е 240. Вкупниот број кредити во една учебна година e 60. Бројот на доделените кредити по секој предмет ја искажува вкупната оптовареност на студентот за совладување на содржините на предметот. Студентот напредува во студиите преку освојување на кредити.
• Наставата се одвива на македонски јазик.
• Сите предмети се едносеместрални. Секој предмет е означен со определен код којшто содржи информација за него.
• Студентот има право секој предмет по неговото слушање да го полага во две редовни испитни сесии. Предметите се полагаат писмено и усно во зависност од начините на оценување предвидени со предметните програми. Студентите имаат право на сукцесивно оценување со можност за ослободување од завршен испит по соодветна предметна програма. Доколку студентот не го положи испитот треба да го повтори слушањето на предметот.
• Испитните рокови се организираат согласно Законот за Високо образование и Статутот и правилниците на Универзитетот.
• Студиите завршуваат со одбрана на дипломска работа. Студентот може да ја брани својата дипломска работа откако ќе ги положи сите предвидени испити со студиската програма.
• Студиската програма дава можност за натамошна континуирана едукација на повисоко ниво т.е. студии по хемија на II циклус (магистерски студии) и на III циклус (докторски студии).

Преземете го елаборатот за студиската програма.
Преземете го решението за акредитација.
Преземете го решението за почеток со работа.

Студиска програма за наставна хемија

(Звање: Дипломиран професор по хемија) 

П = предавања; ТВ = теоретски вежби; ЕВ = експериментални вежби (лабораториски вежби); К = кредити.

Изборни предмети на Институтот за хемија